Втор круг од парламентарните избори во Франција

Во Франција денеска се отворени избирачките места за вториот круг од парламентарните избори на кои се очекува социјалистите на претседателот Франсоа Оланд и нивните левичарски сојузници да освојат мнозинство - и тоа рекордно во историјата на петтата француска република.

Во парламентот за првпат по 14 години може да влезат и екстремните десничари под водство на Марин ле Пен.

Француските бирачи треба да изберат 541 пратеник бидејќи 36 се вече избрани во првиот круг на 10 јуни. Социјалистите и ивните сојузници во првиот круг освоија 46 отсто гласови, Блокот на десниот центар 34 отсто додека Националниот фрон на Марин Ле Пен освои 13,6 отсто гласови.