СДСМ: Нов бран-стара приказна

„Наводниот “нов бран“ е истата стара приказна на ВМРО-ДПМНЕ. Ова е обична фасада со која Никола Груевски панично се обидува да го пресретне “цунамито од незадоволство кај граѓаните“, се вели во вчерашната писмена реак��ија на СДСМ, како реакција на пресот на ВМРО-ДПМНЕ. СДСМ го нарече новиот бран партиско-пропаганден театар, кој според нив не можел да го спаси премиерот.

„Груевски заедно со “фамилијата“, шест години се непосредните и директни наредбодавци на сите штетни и неодговорни политики кои пониските функционери мораат беспоговорно да ги извршуваат“, се наведува во реакцијата на опозициската СДСМ. А, како потврда дека се работи за стара приказна, според нив, говорат предлозите на ВМРО-ДПМНЕ за судии на Уставниот суд.

СДСМ потенцираат дека наводните нови функционери ќе мораат да бидат слепи послушници на премиерот. (П.Р.)