19.10.2012, 15:35 Нови членови на Управниот одбор на Шпаркасе банка Македонија
Надзорниот одбор на Шпаркасе банка Македонија одлучи Управниот одбор на банката да биде зајакнат со двајца нови членови - Драган Илиевски и Саша Боко.
Како што информираат од банката, назначувањето на Илиевски е веќе одобрено од страна на Народната банка на Македонија, додека назначувањето на Боко ќе следи по добивање согласност од НБМ.
Драган Илиевски, како еден од најискусните менаџери во Шпаркасе банка Македонија, веќе осум години успешно управува со Деловниот центар за поддршка и финансии во банката. Саша Боко е со повеќе од десет години работно искуство во област�� на продажбата и финансиите, од кои седум години во групацијата на Ерсте и Штаермеркише Шпаркасе. Во изминатиот период ја извршуваше функцијата генерален менаџер на „С-лизинг Македонија“, лизинг-компанија на групацијата.
|
