19.10.2012, 16:05 Балотели со награда „Златен тапир“
Напаѓачот на Манчестер Сити, Марио Балотели, ја доби наградата „Златен тапир“, која ја доделува сатиричното италијанско телевизиско шоу на популарни личности за непримерно однесување
Вучиниќ го пропушта Наполи?
Покрај голманот Џанлуиџи Буфон, Јувентус би можел да остане и без напаѓачот Мирко Вучиниќ за денешната пресметка со Наполи за првото место во Серија А. Буфон се повреди во дресот на Италија против Данска во мундијалските квалификации, а Црногорецот има грип и од клубот велат дека шансите да настапи се 50-50.
„Ла газета дело спорт“ пишува дека Себастијан Џовинко ил�� Фабио Квалјарела би можеле да играат во нападот покрај Алесандро Матри, а на голот ќе биде Марко Сторари.
Хицлшпергер до јануари во Евертон
Поранешниот играч за врска на германската репрезентација Томас Хицлшпергер би можел да се врати на теренот уште викендов во Премиер-лигата, откако му се приклучи на Евертон со договор на краток рок. Хицлшпергер, кој е без ангажман по долготрајната рехабилитација од повредата, тренира со Евертон и потпиша договор до крајот на јануари. Право на настап ќе има веќе в недела на гостувањето кај „фенерџијата“ Квинс Парк ренџерс.
Триесетгодишниот ексфудбалер на Штутгарт, кој има 52 настапи за Германија, во претходниот престој во Англија играше за Астон Вила и за Вест Хем.
|
