15.10.2012, 15:29 Реал Мадрид три месеци без Марсело
Кралскиот клуб го пренесе соопштението на Бразилската фудбалска федерација според кое Марсело заработил фрактура на десното стапало
Фудбалерот на Реал Мадрид и на бразилската репрезентација, Марсело ќе паузира три месеци заради фрактура на стапалото.
Кралскиот клуб го пренесе соопштението на Бразилската фудбалска федерација според кое Марсело заработил скршеница на метатарзалната коска на десното стапало на тренингот на „кариоките“ пред пријателскиот натпревар против Јапонија, што ќе се игра во вторник во полскиот град Вроцлав.
Ова претставува нов шок за тренерот Жозе Мурињо, кој пред неколку дена остана и без услугите на Фабио Коентрао, кој се повреди на дуелот меѓу Русија и Португалија.
|
