16.10.2012, 13:28 Молотов коктел запали две возила во Бутел
Две возила изгореа во подметнат пожар во скопската населба Бутел. Според полицијата, инцидентот вчера на улицата „Бутелска“, каде во двор на куќа бил фрлен најверојатно молотов коктел. Пожарот најпрво го зафатил возилото „сеат ибица“, а потоа се прошил и го зафатил и возилото на сопственикот на куќата, 43-годишениот скопјанец З.В.
„Пожарот е локализиран, возилата „сеат ибица“ и „цитроен саксо“ се целосно изгорени. Се преземаат мерки за расчистување на случајот“, велат од МВР.
Се уште се утврдуваат мотивите за нападот, а се трага и по сторителите. (Х.Р.)
|
