(ФОТО) И театарот ги доби првите скулптури

Предвидено е да се постават вкупно 46 скулптури со висина од 2,2 метра, а денеска на фасадата почнаа да се поставуваат првите скулптури

ФОТО: Петр Стојановски

На фасадата на старо-новиот театар од денеска почнаа да се поставуваат првите скулптури. Предвидено е да се постават вкупно 46 скулптури со висина од 2,2 метра.

Од Министерството за култура објаснуваат дека скулптурите ќе бидат реалистично изведени и ќе ја доловуваат атмосферата на драмата, комедијата и трагедијата. Истовремено, ќе има и такви што ќе асоцираат на содржините на театарот, литературата, музиката и уметноста, воопшто. „Поставувањето на скулптурите ќе трае до крајот на идниот месец“, информираат од Министерството.

Освен на фасадата на објектот, скулптури ќе го красат и ентериерот. Поточно, ќе се постават осум на партерот, по две од сите четири страни. Тие се бронзени, веќе излеани.

Надлежните велат дека изградбата на театарот е во завршна фаза, но, поради комплексноста на објектот, се очекува тој да биде целосно готов и пуштен во употреба дури в година. Моментно привршува изведбата на фасадата, сценските технологии, машинските инсталации и партерното уредување. Периодов се работи и на поставување на подовите од природен камен на терасите и внатре во објектот на скалите. Се изведува и орнаментиката во внатрешноста, која е предвидено да биде највпечатливиот дел од театарот. (Дс.Т.)