Смртна казна за Кинеската Гу Каилаи за убиство на британски бизнисмен

Кинескиот суд денеска ја осуди Гу Каилаи на смртна казна со одложување на извршувањето за две години, откако беше прогласена за виновна за убиство на британскиот бизнисмен Нил Хејвуд, со што го уништи угледот на нејзиниот сопруг Бо Силај, амбициозен политичар кој сведочеше на нејзиното судење.

Одложената казна обично подразбира преиначување на смртната казна во доживотен затвор ако осуденото лице во следните две години не изврши ниту еден престап.

Гу, кон почетокот на месецот призна дека во ноември минатата година го отрула Хејвуд, после расправиите околу работата, кога тој се заканувал на нејзиниот син.

Овој скандал ја уништи кариерата на нејзиниот сопруг Бо, кој беше лидер на Комунистичката партија во Чонгчинг, град во југозападна Кина и сметан за кандидат за раководството на партијата на ниво на цела држава.

Џанг Сјаоџун, помошник на семејството Бо, кој призна дека и помогнал на Гу да го изврши убиството, осуден е на девет години затвор.

Бо Силај е отстранет од функцијата поради болест, но без други детали за пошироката јавност.

Апсењето на Гу и отстранувањето на сопругот од функцијата предизвикаа најголеми политички потреси во Кина од задушувањето на протестите на плоштадот „Тјeнанмeн“ во 1989 година. Кинеската новинска агенција Ксинхуа ја опишува Гу како жена во депресија, која пиела лекарства.