|
18.08.2012, 16:15 Остри меѓународни реакции по пресудата за „Пуси Рајот“
Руската православна црква вчера ја повика државата да биде милостива кон членките на контроверзната панк група
Одлуката на судот во Москва за двегодишна затворска казна за членките на рускиот панк бенд Пуси Рајот предизвика остри меѓународни реакции.
Белата Куќа изрази разочарување од вчерашната пресуда во Москва. Портпаролот Џош Ернест рече дека САД се сериозно загрижени поради начинот на кој рускиот правосуден систем ги третира трите обвинети млади жени. Како што наведува агенцијата Асошиејтед прес, пресудата преставува крај на судењето кое ширум светот се толкува како како симбол на нетолерирањето на поинаквото мислење во Русија.
Германскиот министер за надворешни работи Гидо Вестервеле изјави: „Уверен сум дека оваа пресуда не е само пресуда за тешки и неправедно осудените три млади жени, туку и пресуда која го погодува развојот на цивилното општество во Русија, и дури застрашува и тоа е она што најмногу не загрижува“, истакна Вестервеле. Поради пресудата против Пуси Рајот беа организирани протести во многу градови во светот а на протестот пред судот во Москва вчера е уапсен и познатиот руски шахист Гари Каспаров кој дојде да им изрази поддршка на членките на бендот.
Надежда Толокоњикова, Марија Аљохина и Кекатерина Самуцевиќ се осудени на по две години затвор за хулиганство , откако во февруари во црквата Христос Спасителот , изведоа перформанс во кој отпеаа песна со наслов „ Богородице, прогони го Путин“.
Руската православна црква вчера ја повика државата да биде милостива кон членките на панк групата Пуси Риотс.
На овој начин Руската црква ја отвора можноста за поддршка на евентуално помилување или намалување на казната.
Црквата ги повтори критиките на сметка на осудените музичарки, додавајќи дека нивниот настап во катедралата на „Христос Спасителот“ бил „светогрдие“ и израз на „грубо непријателство кон милиони луѓе“.
„Не доведувајќи ја во прашање правичноста на судската одлука, ги повикуваме државните власти, во рамки на законот, да бидат милостиви кон осудениците, со надеж дека нема да повторат вакви дела“, се вели во соопштението од црквата.
Но, за да се случи такво нешто, девојките најпрво треба да побараат прошка и да ја признаат вината, што претходно го одбиваа.
|
|
|
|
Статијата е прочитана 896 пати.
|
Испрати коментар
|
|
| Objektiven, 19.08.2012 06:30:07 | | Decata si dobija toa sto si baraa.Za da sozreat im trebaat malku popravno vaspitni merki.Za nivno dobro.Bidejki toa sto go storile vo Bozji hram mozese da donese mnoooogu pogolemi posledici i stresovi.A popravnoto vaspitna merka verojatno ke napravi od niv i slicnite na niv licnosti koi malku ke razmisluvaat so svoja glava vo zivotot i sekako za svoite postapki.Pa decata odgovaraat za bohoskrnavenje i poigruvanje so religijata, ne za Putin. Tuku kade se ostrite kritiki na demokratskiot zapad vo slucajot Asanz?!...Molam?!Kakvo li licemerie,kakva dvolicnost.Kade bea ostrite kriticari za zbidnuvanjata vo Gvantanamo,Abul Graib,za okupacijata na Irak (e imalo WMD, pa NEMALO na kraj WMD, toa Bush go kaza pred kameri,i nikomu nisto) kade stotici iljadi lugje poginaa vo krvavite orgii na USA i NATO,koga USA marincite siluvaat devojki vo Japonija,koga ne gi pustaa naucnicite od R.Boskovic da ispitaat radijacija vo Bosna,po raketiranje na Kineskata Ambasada vo Belgrad, i da ne redam X primeri.. |
| | Archelay, 19.08.2012 10:49:02 | | Smesno.Dezurniot policaec(Zapadot)nesto se murti bidejki vakvo nesto otskoknuva od zacrtanata sema.A toa sto vo Rusija,kako i vo bilo koja druga zemja postojat zakonski odredbi-toa za niv ama nema nikakvo znacenje.Odvaj cekam da se drznat so Sirija za da go vodatonoj Gospod.Kako ne se seti istiot toj Zapad da krene raka protiv nivnite vo Siria koi zivi luge frlaa od dvanaestkatnica?Ili,za kotekot na francuskata policija kon nivnite afrikanski drzavjani?Ili.ubistvata na rudarite vo Juzna Afrika?E toa,...ke pocekame do izgotvuvanjeto na novite amandmani nameneti za spomenatata sema. |
|
|
|
|
|
„УТРИНСКИ ВЕСНИК“
ЕЛЕКТРОНСКО ИЗДАНИE
 |
|
|
|
|
Време
|
Скопје, 32°C
Ведро
|
Вторник
Сончево
Макс: 37°C, Мин: 17°C
|
Среда
Сончево
Макс: 38°C, Мин: 21°C
|
|
|
|
|
|
|
|
