Само бод за Реал Мадрид на стартот на Примера

"Кралскиот клуб" поведе во 10. минута преку Гонзало Игуаин, а Валенсија во дербито изедначи во 42. минута преку Хонас

Шампионот на Шпанија, Реал Мадрид на стартот од новото првенство пред своите навивачи синоќа со Валенсија одигра нерешено 1:1 и освои само еден бод.

"Кралскиот клуб" поведе во 10. минута преку Гонзало Игуаин, а Валенсија во дербито изедначи во 42. минута преку Хонас.

За разлика од шампионот, Барселона беше убедлива и со 5:1 на домашен терен го победи Реал Сосиедад.

На другите натпревари синоќа Атлетик Билбао загуби дома од Бетис со 5:3, а Леванте и Атлетико Мадрид одиграа 1:1. Во саботата беа постигнати следниве резултати: Селта - Малага 0:1, Севиља - Хетафе 2:1 и Мајорка - Еспањол 2:1.

Првото коло ќе биде комплетирано со трите вечерашни дуели: Депортиво - Осасуна, Рајо Ваљекано - Гранада и Сарагоса - Ваљадолид.