18.08.2012, 23:22 Металург го освои турнирот во Струга
Македонскиот првак во големото финале го совлада белорускиот шампион Динамо Минск со 26:23
Металург е победник на јубилејниот 40. ракометен турнир во Струга, откако избраниците на Лино Червар во големото финале вечерва го совладаа белорускиот шампион Динамо Минск со 26:23
Финалниот меч го одбележа вистинска битка на теренот и неизвесност до самиот крај, но овој дуел ќе остане запаметен и по случувањата во последната минута, кога за малку ќе дојдеше до тепачка меѓу ракометарите на двата тима.
Следеа по неколку исклучувања, поради што гостите размислуваа и за повлекување од теренот, па откако страстите се смирија Динамо последната минута ја одигра со само двајца ракометари во поле.
|
