Утрово повторно почувствувани земјотреси во Македонија

Земјотрес со интензитет од пет степени според Европската макросеизмичка скала изутринава во 5 часот и 44 минути регистрирале апаратите на Сеизмолошката опсерваторија при Природноматематичкиот факултет во Скопје, Охрид, Битола, Крушево, Валандово и Штип. Во 5 часот и 49 минути почуствуван е уште еден земјотрес, но со помал интензитет.

Епицентарот на земјотресите е во подрачјето на Илинска планина во Југозападна Македонија.

Земјотрес со јачина од 4,5 степени беше почувствуван и вчера. Епицентарот на овој земјотрес се наоѓаше на околу 20 километри од Кичево, во реонот на Илинска планина.