Архива Контакт Редакција Маркетинг Претплата
Барај
период од-до
-
Печатено издание
Втора страница На прво место Политика Економија Хроника Едиторијал Мислења Свет Култура Спорт Скопје Забава Некролог Хороскоп Што прават денеска Онлајн вести
Култура
15.08.2011, 15:51

Перформативниот проект „In the mind's I“ награден на „Акто“

Наградата за интердисциплинарност „Драгиша Наневски“, на штотуку завршениот фестивал за современи уметности „Акто“, ја доби перформативниот проект „In the mind's I“. Станува збор за колаборативен проект на американскиот уметник Ворен Најдик и Факултетот за ликовни уметности, предводен од професорката Сузана Милевска и уметниците Дарко Алексовски, Симона Манчева, Филип Ризов, Катерина Соколова, Ирена Спироска и Слободанка Стевческа.

Перформансите што ги реализираат претставуваат еден вид дијалози што се изведуваат како театар на сенки. Учесниците кои претходно ја избрале улогата на уметник или куратор инсценираат различни импровизирани ситуации што се случуваат во контекстот на уметничката сцена.

Годинашново шесто издание на „Акто“, кое се одржа од 11 до 14 август во Битола, е дел од Битолското културно лето „Бит фест“. Беа содржани перформанси од областа на визуелната уметност, изведувачката уметност, музички концерти, а неговата цел е отворање на културните рамки на едно современо општество, преку нивно репоставување и дефинирање во нов контекст. На „Акто“ учествуваа околу 30 уметници од Македонија, Италија, Хрватска, Србија, Бугарија, Мексико, Финска и Канада, кои своето творештво го презентираа на повеќе локации во Битола. Годинава, за своја насловна тема „Акто“ ја избра „Работи (никогаш)!“ Повод за темата е графитот што го испиша францускиот филозоф Ги Дебор на еден ѕид од улицата покрај Сена во Париз, кој гласеше: „Ne travaillez jamais“ („Работи никогаш“). (Т.И.)


Статијата е прочитана 856 пати.

Испрати коментар



„Или-или“ го објави „Комунистот Монте Христо“
Француска вечер на „Охридско лето“
Битолската група „Фолтин“ настапува во Хераклеја
Дигитална уметност на Галичката ликовна колонија
Светски поети во Велестово
Продолжува летната акција во „Матица“
Распишан конкурс за развој на филмско сценарио
29.03.2010, 15:02

21.09.2010, 14:57







„УТРИНСКИ ВЕСНИК“
ЕЛЕКТРОНСКО ИЗДАНИЕ

  


Site Meter


Време
Скопје, 19°C

Делумно облачно

Петок
Ведро
Макс: 22°C, Мин: 6°C

Сабота
Локални грмотевици
Макс: 22°C, Мин: 7°C
овозможено од Yahoo! Weather
НајчитаниНајкоментирани

Дневник  | Вест | Теа Модерна | Огласник24

Онлајн издание | Вести | Магазин | Спорт |
Печатено издание | Втора страница | На прво место | Политика | Економија | Хроника | Едиторијал | Мислења | Свет | Култура | Спорт | Скопје | Забава | Некролог | Хороскоп | Што прават денеска | Онлајн вести |