Кривични за пратениците кои гласаа за Законот за лустрацијата

Пратениците кои гласаа за усвојување на Законот за лустрација заработија кривична пријава од Љубомир Фрчкоски, Владимир Милчин, Ѓунер Исмаил, Бранко Героски, Никола Гелевски, Жарко Трајаноски и Роберто Беличанец. Седумтемина интелектуалци сметаат дека пратениците и претседателот на парламентот Трајко Велјановски треба да одговараат за неизвршување на одлуката на Уставниот суд, кој се изјасни дека лустрацијата не може да се однесува по 1991 година и да го засега приватниот сектор и граѓанското здружување.

„Зошто не го променија Уставот, па да прават што сакаат. Ним им одговара вака, на овој начин да ловат вештерки. Пратениците директно и најбрзо го спроведоа налогот на извршната власт. Тоа што го направија пратениците не ги прави да се заштитени како свети крави. Ние нема да молчиме, но нема ни по третпат да го оспоруваме законот пред Уставен, тоа ќе го оставиме да го направи некој друг“, рече режисерот Владимир Милчин.