27.06.2012, 15:06 Горан Бошевски - в.д претседател на Кривичен суд
Тој ќе раководи со судот до изборот на нов претседател, откако во неделата на 57-годишна возраст почина в.д претседателот Марјан Колишевски
Судскиот совет денеска го назначи досегашниот заменик-претседател на Кривичниот суд, Горан Бошевски, за вршител на должноста претседател во овој Суд. Тој ќе раководи со судот до изборот на нов претседател, откако во неделата на 57-годишна возраст почина в.д претседателот Марјан Колишевски.
Судијата Бошевски е роден во 1963 година, а прв пат е избран за судија на 1 јуни 1996 година. Во моментов работи на кривична материја-на предмети од организиран криминал.
Големи се шансите Бошевски да се задржи на новата функција многу кусо време, бидејќи веќе е завршен огласот за избор на претседател. На него беа пријавени тројца кандидати,од кои еден беше токму сега починатиот Колишевски, кому му се даваа и најголеми шанси да биде избран. Бошевски не е меѓу пријавените на огласот.
|
