Средба на организациите на архитекти од Југоисточна Европа и Азија

Во Скопје денеска ќе се одржи работна средба на претседателите на организациите на архитекти од Југоисточна Европа и дел од Азија

Домаќин на конференцијата е Асоцијацијата на архитекти на Македонија. На неа се очекува да бидат разгледани политиките на Меѓународната унија на архитекти во која членуваат овие организации.

Меѓународната унија на архитекти како светска организација постои 32 години и во неа членуваат претставници од околу 160 држави. Македонија во оваа организација е претставена преку Асоцијацијата на архитекти.