28.06.2012, 13:40 Азербејџан заинтересиран за инвестирање во Македонија
Македонскиот претседател Ѓорге Иванов во Баку се сретна со шефот на азербејџанската држава Илхан Алиев
Азербејџан е заинтересиран за интензивирање на економските односи со Македонија и за инвестирање во македонското стопанство, беше посочено на денешната средба во Баку меѓу македонскиот претседател Ѓорге Иванов и шефот на азербејџанската држава Илхан Алиев.
На средбата, која се одржа на 17-годиишнината од воспоставувањето на дипломатските односи меѓу Македонија и Азербејџан, двајцата претседатели изразија задоволство од досегашниот тек на билатерлната соработка и се согласија дека односите се пријателски и се одвиваат со позитивна динамика.
Тие се заложија за натамошно динамизирање на односите, особено на политичкиот дијалог и на средбите на високо ниво. Алиев го покани Иванов во офицална државна посета, а македонскиот претседател прифати и му ја возврати поканата.
Иванов и Алиев се осврнаа и на потребата за унапредување на правната рамка за натамошно развивање на односите, со што ќе се овозможи правно регулирање на соработката во сферите на економијата, туризмот, науката и образованието.
Тие заклучија дека заокружувањето на правната рака ќе биде и поттик за поврзување на стопанските субјекти од двете земји.
На средбата тие изразија интерес за продлабочување на соработката во сферата на енергеткатата.
Алиев го информира Иванов за енергетските и гасоводни проекти, кои се во фаза на реализација и кои се планирани во Каспискиот регион и во Европа.
Македонскиот претседател го информира Алиев за инвестициските можност во Македонија.
Алиев предложи во наскоро време да се се организираат заеднички бизнис форуми и средби, како и заеднички меѓувладини економски комисии.
Тој нагласи дека би сакал да ги види арзербејџанските компании во Македонија во мошне скоро време.
Двајцата претседатели ја разгледаа и можноста за реципроцитетен безвизен режим, со оглед на фактот дека Македонија на една година, од периодот март оваа година до март следната година, времено ги укина укина визите за Азербејџан. Двајцата претседатели изразија уверување дека тоа наскоро ќе се реализира.
Иванов му упати честитки на Алиев за забрзаниот економски раст на Азербејџан, кој стана една од водечките економии во Каспискиот регион. Тој му упати честитки на својот азербејџански колега и за организацијата на форумот Кран Монтана, кој оваа година е посветен на енергетските прашања и политиките во оваа сфера.
Претседателот Иванов утре на официјалното отварање на 23. сесија на форумот ќе се обрати говорејќи на тема поврзана со ен��ргетските прашања во новите светски услови.
|
