Половина фаворитки на Вимблдон во аут

Вожњачки поразена на стартот од Австријката Пашек, Стосур и Ли запрени во второто коло

Каролина Вожњачки од Данска, Саманта Стосур од Австралија и На Ли од Кина кои важеа за фаворитки за финале на Вимблдон, па и за освојување трофеј, изненадувачки го завршија настапот на гренд-слемот во Лондон уште во раната фаза.

Австријката Тамира Пашек ја креира најголемата сензација во третиот натпреварувачки ден на турнирот за продолжување на својата неверојатна низа на победи. Минатата недела триумфира во Истбурн каде што пристигна во лоша форма, а во дуелот од првото коло на Вимблдон ја елиминира Вожњачки, поранешна прва светска тенисерка, со 5:7, 7.6, 6:4. Притоа спаси и две меч-топки во вториот сет.

„Двапати ја погодуваше линијата во моменти кога имав две меч-топки. Ризикуваше и тоа е тоа. Чувството не е убаво кога ќе се загуби натпревар по две неискористени меч-топки. Никој нема да се сеќава на квалитетите во овој дуел, туку само на победничката“, рече Вожњачки.

Стосур, пак, доживеа разочарувачки пораз (6:2, 0:6, 6:4) од Холанѓанката Аранча Рус во второто коло.

„Пред мечот бев свесна дека Стосур не игра на трева како што знае обично, но не играм ниту јас. Во вториот сет му одзеде сервис уште во првиот гем. Со така добри тенисерки како Стосур мора да се одржите во рамноправна позиција бидејќи тие играат се' подобро и подобро. Пресудно во третиот сет беше да се освои првиот гем“, вели Рус.

Настапот на годинашниот Вимблдон заврши и за На Ли од Кина (11 носителка) која беше поразена од Романката Сорана Кирстеа со 6:3, 6:4. Хедер Вотсон стана првата Британка што успеала да се пласира во третото коло на Вимблдон по пауза од 10 години по победата на Џејми Хемптон од САД со 6:1, 6:4.

Резултати од второто коло, жени: Стевенс (САД) - Четковска (23., Чешка) 7:6, 4:6, 6:3; Лисицки (15., Германија) - Јовановски (Србија) 3:6, 6:2, 8:6; Звонарева (12., Шпанија) 6:1, 3:6, 6:1; Клајстерс (Белгија) - Хлавачкова (Чешка) 6:3, 6:3; А. Радванска (3., Полска) - Веснина (Русија) 6:2, 6:1; Кирстеа (Романија) - Ли (11., Кина) 6:3, 6:4; Кириленко (17., Русија) - Лино Домингеш (Шпанија) 6:1, 6:2; Пенг (30., Кина) - Морита (Јапонија) 7.6, 6:3; Рус (Холандија) - Стосур (5., Австралија) 6:2, 0:6, 6:4. Прво коло: Пашек (Австрија) - Вожњачки (7., Данска) 5:7, 7:6, 6:4.

Мажи, второ коло: Ѓоковиќ (1., Србија) - Харисон (САД) 6:4, 6:4, 6:4; Алмагро (12., Шпанија) - Рафин (Франција) 6:2, 5:7, 6:2, 6:4; Гаске (18., Франција) - Бемелманс (Белгија) 6:3, 6:4, 6:4; Бенето (29., Франција) - Расел (САД) 7:6, 2:6, 6:4, 7:5; Јужњи (26., Русија) - Сервантес (Шпанија) 6:1, 6:3, 6:4; Типсаревиќ (8., Србија) - Свитинг (САД) 5:7, 7:5, 6:4, 6:2; Нишикори (19., Јапонија) - Сера (Франција) 6:3, 7:5, 6:2.