25.06.2012, 12:58 Вардар го доби БАТЕ Борисов во квалификациите за ЛШ
Вардарци ќе бидат домаќини во првиот меч на 17/18 јули, реваншот е седум дена подоцна
Белоруски Бате Борисов е противникот на Вардар во второто квалификациско коло за Лигата на шампиони (ЛШ). Вардарци ќе бидат домаќини во првиот меч на 17/18 јули, реваншот е седум дена подоцна.
Тимот од Борисов не е непознат ниту за тренерот Илчо Ѓоргиоски ниту за македонската фудбалска јавност. Тоа е ривалот што ја елиминира Македонија Ѓорче Петров уште во воведната квалификациска рунда за ЛШ во сезоната 2009/10. Белорусите притоа ги добија обата меча по 2:0. Важат за фаворити и во претстојниот двомеч со црвено-црните. (С.Д.)
|
