24.06.2012, 23:50 (ЕП 2012) Пеналите кобни за Англија
Италија се пласира во полуфиналето, откако го елиминира „гордиот албион" по подобро изведување на ударите од белата точка со 4:2
Италија го доби пенал рулетот со Англија и се пласира во полуфиналето на Европското првенство во кое ја очекува дуел со Германија. Немаше победник, ниту гол, во основните 90 минути, така беше и во двете продолженија по 15 минути, па ударите од белата точка го дадоа последниот полуфиналист на шампиопнат. Во нив поуспешни беа Италијанците со 4:2. Погодија Балотели, Ночерино и Дијаманти, промаши Монтоливо, на спротивната страна Жерар и Руни беа прецизни, Јанг ја погоди гредата, а Буфон го "прочита" Кол за голема радост на "азурите".
Италија беше многу поактивна на теренот и поблиску до погодок во воведните 45 минути од мечот. "Азурите" уште од почетокот заиграа на половината на Англичаните и таму останаа во најголем дел од полувремето. Притоа погодија статива (Де Роси), трипати во гол прилика се најде Балотели и еднаш Касано, но Џон Харт успеа да сочува мирна мрежа до одморот. Најизлегдните прилики ги имаше напаѓачот на Манчестер сити. Неговиот удар во 25 минута го изблокира Џон Тери во последен момент. Седум минути подоцна Касано му спушти топката во петерецот, а англиските штопери одново се спасија од негатива. Првата закана од "гордиот албион" дојде во 7 минута, само две минути откако стативата беше сојузиник на Англија по ударот на Де Роси. Шанса да се запише во листата на стрелци имаше Глен Џонсон меѓутоа аплаузите ги собра Џанлуиџи Буфон кој со фантастична рефлексна реакција не дозволи водство на противникот. Се закани и Руни со глава и биеше надвор од рамки на голот, нишанските справи во првото полувреме ги тестира и Дени Велбек, но и тој остана без реализација.
Англичаните целосно се повлекоа во вториот дел, делумно поради замор, делумно поради недостаток на идеја и креативност. За разлика од нив, Италијнаците ја задржаа доминацијата на теренмот, но без конкретен ефект. И Прандели и Хоџсон се обидоа со измени да го променат текот на мечот, но успеаја само да ја живнат играта, но не и примарната цел - да дојдат до посакуван гол.
Вечерва во Киев, сепак, беше постигнат меѓутоа не и признат. Целта ја погоди Ночерино чија реализација не беше призната поради офсајд позиција на фудбалерот на Милан. (С.Д.)
|
