25.06.2012, 15:26 Почина 23-годишен поранешен член на Ливерпул и Бетис
Поранешниот фудбалер на Ливерпул и на Бетис, 23-годишниот Мики Роке почина синоќа по долготрајната битка со ракот
Младиот Шпанец како 15-годишник во 2005 пристигна во Ливерпул, каде во првата сезона со младинскиот тим го освои јуниорскиот ФА Куп. Единствен настап за првиот тим на „црвените“ му беше во сезоната 2006/07 како 17-годишник против Галатасарај во Лигата на шампионите.
Следните две сезони Роке ги минува на заем во повеќе тимови, а во 2009 Бетис му нуди шанса да ја обнови кариерата. По две сезони настапувајќи за резервите, во зимата 2010 се сели во првиот тим на клубот од Севилја. За жал само неколку месеци подоцна дијагностициран му е ракот, по што ја завршува кариерата.
|
