30.06.2012, 12:25 Поранешен руски полицаец силувал и убил 23 жени
Поранешен руски полицаец, осомничен за убиство на 23 жени во Источен Сибир во периодот меѓу 1994 и 1999 година, е уапсен откако повеќе од 18 години успевал да избегне судска постапка, соопшти рускиот Истражен комитет.
Уапсениот е поранешен полицаец од индустриското гратче Анграск, кој ја напуштил полицијата во 1998 година. Според комитетот, ДНК од мажот е откриена на телата на три од убиените жени.
Сите жртви, кои се жителки на Анграск, исчезнале во ноќни часови под исти околности. Нивните тела биле пронајдени во шумите околу градот, на локалните гробишта или покрај пат. Повеќето од нив биле голи, а по телата имале траги на насилство, се наведува во соопштението од Комитетот.
За време на истрагата полицијата направила ДНК-анализи од 3.500 лица и сослушала повеќе од илјада жители во реонот.
|
