30.06.2012, 15:57 СДСМ вечерва со митинг во Прилеп
Вечерва на градскиот плоштад ќе биде промовиран кандидатот на СДСМ за градоначалник на Прилеп, Хари Локвенец.
Како што најави потпретседателот на партијата Зоран Јовановски, освен разговори со претставници на различни организации, борци, пензионери, невладин сектор, вечер на градскиот плоштад ќе се одржи митинг на кој ќе биде промовиран кандидатот на СДСМ за градоначалник Хари Локвенец.
- Овие два дена во Прилеп и Прилепско ќе посетиме многу места. Вчера највисокото раководство на СДСМ посети голем број села во општините Долнени и Кривогаштани. Во општината Кривогаштани, наши домаќини беа местата Славеј, Обрсани, Боротино, Бела Црква, Кривогаштани, Рувци, додека во Долнени жителите на Браилово, Дупјачани, Ропотово, Дебреште, Лажани, Заполжани и Црнилиштено, изјави потретседателот на СДСМ Зоран Јовановски.
Од руралниот дел на општина Прилеп партиските кадри ги посетија селата Тополчани, Тројкрсти, Ерековци, Канатларци, Гол. Коњари, Тополчани, Мажучиште, Кадино Село, Чепигово, Алинци, Загорани, Мало Коњари, Беровци и Селце, каде и преноќија во куќи на нивни активнисти и подржувачи.
СДСМ досега реализираше средби со граѓаните на Струмица, Велес, Штип и Куманово, а за следниот викне днајави посета на Крива Паланка.
|
