29.06.2012, 12:41 Нино Величковски дипломираше соло пеење
Познатиот фолк пејач го комплетираше своето музичко образование на 58-годишна возраст
Фолк пејачот Нино Величковски дипломираше соло пеење на факултет за аудио - визуелни уметности ЕСРА, на катедрата за применета музика. Дека никогаш не е доцна за образование- потврдува и Величковски кој ја стави дипломата во џеб на 58 годишна возраст. Тема на неговата дипломската работа, под менторство на деканот Дарко Мариновски, беше музичкото творештво на композиторот Миодраг Божиновски – Мичо.
- Со оваа тема, освен што ќе станам „дипломиран пејач“, сакам да оставам и пишувани, документирани траги за творештвото на мојот пријател и одличен композитор и музичар, нашиот кумановец Миодраг Божиновски, кој ги има напишано некои од најубавите песни во новата македонска популарна музика, изјави Величковски во едно неодамнешно интервју за нашиот весник.
|
