03.07.2012, 12:46 Словенија вложува 552.000 евра во Македонија
Преку потпишување на Меморандум за меѓународна развојна соработка, Словенија донира 552.000 евра во Македонија за неколку проекти. Околу 354.000 евра Словенија ќе даде за изградба на пречистителна станица за вода за пиење во општина Пробиштип, за експертска помош 123.000 евра, 35.000 евра за одржлив развој на општините од Источниот плански регион, како и 40.000 евра за поддршка за невладиниот сектор. Словенечкиот амбасадор во земјава, Алан Бергант потенцира дека Словенија активно и силно ја поддржува европската иднина на Македонија, пристапниот процес, како и усвојувањето на стандардите на Европската унија.
„Двете држави и институциите соработуваат одблиску за брзо и поефикасно приближување на Македонија кон ЕУ“, истакна Бергант.
Државниот секретар при Секретаријатот за европски прашања Јован Андоновски истакна дека се потврдува партнерството и одличната билатерална соработка, како и посветеноста на владите на двете земји за унапредување на тој процес. (Ек.Р.)
|
