Cончево со слаб до умерен ветер

Времето ќе биде сончево со слаб до умерен ветер од југоисточен правец. Попладне во планинските предели ќе има мала до умерена локална облачност особено во западните и крајните источни делови.

Температурата ќе се движи од 29 до 36 степени.

Во Скопје ќе биде сончево со слаб ветер од југоисточен правец. Температура ќе достигне до 36 степени.

Сообраќајот на сите магистрални и регионални патни правци низ државата се одвива нормално и без забрани, по суви и чисти коловози.

Во текот на туристичката сезона ќе биде воспоставен посебен режим на сообраќај во двата правци на патот Гостивар – Охрид, односно ќе се воспостави времена забрана за движење на тешки товарни возила. Забраната за движење на тешки товарни возила ќе важи во периодот од 1 јули до 31 август. Тешките товарни возила (со над 7,5 тона вкупна маса) нема да смеат да се движат во интервалите од 15:00 до 24:00 часот секој петок и од 07:00 до 24:00 часот секоја сабота и недела.