20.10.2011, 12:49 Осум војници на КФОР повредени од солзавец
Според српски извори делумно се отстранети барикадите на патот во близина на селото Јагненица, во близина на граничниот премин Брнак.
Осум војници од силите на НАТО во Косово настрадаа од солзавецот за време на операцијата за отстранување на барикадите подигнати од Србите во северниот дел на земјата.
КФОР не соопшти колку барикади се отстранети.
Според српски извори делумно се отстранети барикадите на патот во близина на селото Јагненица, во близина на граничниот премин Брнак. КФОР за отстранување на камионите и растерувањето на 150 Срби кои биле на барикадите употреби солзавец.
Србите во Општина Зубин Поток поставија уште два камиони на барикадите, каде сега вкупно има четири. Камионите се полни со дрва и песок.
КФОР повторно апелираше до насобраните Срби да се разотидат, предупредувајќи дека во спротивно ќе употреби сила.
|
