19.10.2011, 15:03 ДНК со „Дада“ на Ем-Ти-Ви
Последното видеоиздание на Панчо и на Андреј од ДНК, со темата „Дада“, се најде на музичкиот канал Ем-Ти-Ви, рамо до рамо со видеата на „Дубиоза колектив“, Хладно пиво, МВП, „Дисциплина кичме“ и со други реномирани артисти од регионот.
„Многу сме задоволни што Ем-Ти-Ви одлучи „Дада“ да се најде на нивниот канал. Тоа е едно од нашите најдобри видеа што ги сруши рекордите на гледаност на „Јутјуб“ и навистина заслужи да биде присутно и на музичките канали во регионот“, велат Панчо и Андреј.
ДНК деновиве се подготвуваат за снимање нов видеозапис за дуетот со Маја Саздановска „Диско џунгла“, песна која беше промовирана на нивниот концерт, а во меѓувреме активно работат и на новиот материјал за албумот што треба да излезе наредната година.
|
