20.10.2011, 14:42 Заврши драмата со дивите животни на слобода во Охајо
Дивите животни кои беа пуштени на слобода во Охајо од својот сопственик, пред да се самоубие, беа убиени или фатени.
Вкупно 48 животни, меѓу кои 18 бенгалски тигри, 17 лавови, леопарди, гепарди, мајмуни, мечки и волци, беа застрелани во северната американска држава, која од вторникот стана арена на безумно сафари.
Еден „бегалец“ бил прегазен од автомобил. Само шест од вкупно 56-те пуштени животни на слобода беа фатени живи - една гризли мечка, три леопарди и двајца мајмуни, соопшти шерифот во округот Маскингем, Мат Луц.
Исклучително агресивен тигар бил убиен вчера утрото, бидејќи разбеснел. Ѕверката била погодена со хиподермична игла.
Мртвите животни биле погребани на територијата на фармата, претворена во приватна зоолошка градина.
Сопственикот Тери Томпсон ги отворил келиите на животните, по што се застрелал.
Училиштата беа затворени, а локалните жители беа повикани да останат во своите домови, додека да заврши кризата.
Заштитници на правата на животните побараа да бидат донесени закони за правото на поседување диви животни од видови, какви што не се среќаваат во САД.
Сопственикот на животните, кој се самоуби, Тери Томпсон, бил ослободен од затвор пред три седмици, откако излежал пресуда од една година з��твор за незаконско поседување оружје.
|