Бугарски медиуми: „Трето полувреме“ ја извртува вистината



Порталот sportcafe.bg пишува дека Владата на РМ одвоила огромни средства за овој филм, за да се изврти вистината и да се претстави фудбалскиот клуб Македонија (Скопје) како жртва на бугарските фашистички окупатори во периодот во 1942 година.

Дел од бугарските медиуми, а многу поконкретно спортскиот портал Sportcafe.bg, во денешните свои изданија пишуваат дека во Македонија се снима филмот „Трето полувреме“ со фудбалска тематика, кој според нив, ја „извртува вистината и историјата“. Понатаму е наведено дека снимањето на филмот е под директна ингеренција на премиерот на РМ, Никола Груевски, а е поддржано од Министерството за култура на РМ.

Порталот sportcafe.bg пишува дека Владата на РМ одвоила огромни средства за овој филм, за да се изврти вистината и да се претстави фудбалскиот клуб Македонија (Скопје) како жртва на бугарските фашистички окупатори во периодот во 1942 година. Како што пишува sportcafe.bg, основна тема на филмот „Трето полувреме“ е фудбалскиот меч меѓу ФК Левски (Софија) и ФК Македонија (Скопје), кој е предвреме прекинат, затоа што гостите го напуштиле теренот, откако сфатиле дека противникот има голема помош од судиите.

Бугарските медиуми за ова биле информирани од претседателот на Бугарскиот културен клуб во Скопје, Лазар Младенов, кој во своето писмо има наведено дека Македонија продолжува со политика на непочитување на соседите и бара од тамошните медиуми енергично да реагираат...