20.10.2011, 14:20 Доскорешниот либиски министер за одбрана убиен во Сирт
Поранешниот либиски министер за одбрана во соборениот режим на Моамер Гадафи, Џабер Абу Бакр Јунис, денеска е убиен во Сирт, пренесоа француските медиуми, повикувајќи се на изјава на лекар.
Телото на Јунис било донесено утринава во мртовечницата во родниот град на Гадафи, на 360 километри источно од главниот град Триполи.
Сирт, последниот бастион на стариот режим, денеска беше заземен од силите на новите либиски власти.
Самиот Моамер Гадафи бил ранет и фатен крај својот роден град, пренесоа британските медиуми, повикувајќи се на командант на силите на Преодниот национален совет.
Гадафи бил заробен близу Сирт, додека се обидувал да избега со конвој, што бил нападнат од авиони на НАТО.
|