20.10.2011, 13:34 Тетовец криел марихуана во близина на бачило
Речиси 11 килограми опојна дрога марихуана тетовската полиција пронашла во близина на бачило во месноста „Студена вода“. Во багажник на патничко возило „мерцедес“ сопственост на Б.Џ. (63), биле пронајдени три полиетиленски вреќи во кои имало пет пакувања марихуана.
Полицијата во координација со вработени во Одделот за неодзволена трговија со дроги при МВР, во околината на бачилото пронашла 21 стебло „канабис сатива“, од кои неколку веќе биле искорнати. Полицијата извршила претрес и во друго бачило сопственост на Б.Џ. во месноста „Јесен“, каде исто така пронашла уште 17 стебла „канабис сатива“. Сопственикот Б.Џ. и неговите синови И.Џ. (40) и Х.Џ. (37) биле приведени и задржани на информативен разговор. Против нив е поднесена кривична пријава за кривично дело „неовластено производство и пуштање во промет на наркотични средства“. Вчера истражен судија при Основниот суд во Тетово изрече мерка притвор во траење од по 30- дена на Б.Џ. и неговиот син И.Џ. (Г.Е.)
|
