24.04.2012, 13:02 НДП: Да се побара стручна помош од ФБИ
Полицијата и истражните органи на Македонија, немаат капацитет да го расветлат петкратното убиство кај Железарското езеро во близина на Скопје, се наведува во соопштението од Националната Демократска преродба.
- За да се справи успешно со истрагата, Владата наместо асистенција од државите во регионов, да побара професионална помош од Федералното истражно биро (ФБИ) и случајот да им го довери на експертите од оваа служба, стои во соопштението од партијата, чиј лидер е Руфи Османи.
Предлогот, се посочува, НДП го темелеат врз сознанијата дека истрагата тапка во место и се создава несигурност и загриженост. Таквата состојба, сметаат, може да резултира со појави на контролирана дестабилизација во земјава со влијание и на балкански регион.
|
