23.04.2012, 11:21 Градоначалникот на Старо Нагоричане куртули од притвор
Миодраг Јовановиќ, градоначалникот на општина Старо Нагоричане кој во саботата рано наутро сред Куманово прегази пешак се спаси од притвор, објави утринава Канал 5 телевизија.
Според информациите на телевизијата, по неколкучасовен распит пред истражен судија во кумановскиот суд, градоначалникот вчеравечер бил пуштен да се брани од слобода. Се дознава само дека привремено му бил одземен пасошот како гаранција дека нема да побегне од државава.
Во полициска станица, педесет и едногодишниот Јовановиќ тврдел дека не се сеќавa на ништо од претходната вечер. Тој со службениот автомобил во саботата околу 3 часот враќајќи се од забава удрил во триесет и едногодишен бурекџија, кој во тој момент се враќал од работа. Од ударот, пешакот заработил скршеници на главата и на градниот кош поради кои сe уште се бори за животот, а притоа градоначалникот Јовановиќ воопшто не застанал да му пружи п��ва помош на повредениот, туку со службениот автомобил побегнал од местото на несреќата.
|
