24.04.2012, 14:44 Пристоп негира дека е цел на истрага
Компанијата за односи со јавноста Пристоп испрати соопштение во кое ја негира информацијата дека компанијата е цел на истрага за корупција.
- Утрината во петок на 20 април 2012 година вработени од националното биро за истрага ја посетија централата на Пристоп во Љубљана. Посетата беше поврзана со нивната неколкумесечна работа на случајот „Помурски регион“. Пристоп не е и не беше цел на истрагата, туку целта беше собирање на информации кои би им помогнале во истрагата. Притоа, ниту еден сегашен, ниту пак поранешен директор на Пристоп не бил и не е притворен, пишува во соопштението на компанијата Пристоп.
Во соопштението дополнително се појаснува дека компанијата Пристоп од Словенија била дел од конзорциум кој победил на тендер за промоција на Помурскиот регион во Словенија. Компанијата, во своето соопштение, тврди дека во целост ги исполнила своите обврски од тендерот.
- Пристоп, водечка независна мрежа на агенции за комуникации и консалтинг во Југоисточна Европа има воспоставено високи етички и транспарентни кодески на работење и секогаш ги почитува легислативите на сите пазари каде што делува, се наведува во соопштението.
|
