Товарниот сообраќај кон Грција во прекин

Товарниот сообраќај на сите гранични премини со Грција е во целосен прекин поради дводневниот штрајк на грчките цариници што почна изутрината во шест часот.

Во тек на штрајкот на сите три гранични премини (Богородица, Стар Дојран и Меџитлија) на секои два часа ќе се пропуштаат патнички возила и автобуси.

Штрајкот на грчката царинска управа, според најавите, ќе трае до сабота во 6 часот.

Според Авто-мото сојузот на Македонија, на македонскиот дел од граничните премини нема подолги задржувања за влез и за излез од Македонија.