03.09.2012, 15:42 Каранфилов 10., Наковска-Бикова 12. со МК-пиштол
Во дисциплината во која мажите и жените настапуваат заедно, Каранфилов оствари резултат од 556 круга, останувајќи покус за вкупно три круга за пласман во финалето
Ванчо Каранфилов го освои десеттото место во конкуренција на 21 натпреварувач, а Оливера Наковска-Бикова заврши 12. во стрелање со малокалибарски пиштол од 25 метри на Параолимписките игри во Лондон. Во дисциплината во која мажите и жените настапуваат заедно, Каранфилов оствари резултат од 556 круга, по 278 во прецизно и во брзо стрелање, останувајќи покус за вкупно три круга за пласман во финалето.
Параолимписката шампионка со воздушен пиштол од 10 метри, Наковска-Бикова, испука 553 круга, од кои 277 со прецизна стрелба и 276 со брза. Русинот Сергеј Малишев беше најдобар во квалификациите со 574 круга.
На двајцата македонски стрелци им преостана уште еден настап на ПОИ во Лондон в четврток во дисциплината малокалибарски пиштол од 50 м.
|
