Новиот ајфон ќе биде претставен на 12 септември



Поканите испратени до медиумите ја покажуваат бројката 12, која фрла сенка со изглед на бројот пет и зборовите „It's almost here“

„Епл“ потврди дека на 12 септември ќе одржи настан и умешно најави дека на настанот ќе биде претставен ајфон 5. Поканите испратени до медиумите ја покажуваат бројката 12, која фрла сенка со изглед на бројот пет и зборовите „It's almost here“ (Речиси е тука) што е очигледна референца за многу очекуваната нова генерација на популарниот ајфон.

Дел од шпекулациите во кои често се појавуваше датумот 12 септември, покрај промоцијата на ајфон 5 сугерираа и мини-верзија на ајпад, но засега нема официјални информации во врска со тоа. Настанот ќе се одржи во Центарот на уметноста „Јерба Буена“ во Сан Франциско.