Снежната бура во Европа однесе над 35 жртви

Најмалку 35 лица ги загубија животите во Европа во силната снежна бура во викендот и денеска.

Во Швајцарија во лавина синоќа загинаа 11 луѓе, објави весникот „Локал“.

Во меѓувреме, во Југоисточна Европа регистрирани се најобилни врнежи од снег. Седум луѓе ги загубија животите од хипотермија во Чешка овој викенд, откако температурата се спушти на минус 27 степени

Десет жртви има и во Полска.

Најмалку седум луѓе ги загубија животите поради екстремните временски услови во Хрватска, Србија, Црна Гора и БиХ. Обилните снежни врнежи и силниот ветар отежнаа одвивање на воздушниот сообраќај во цела Европа.