10.12.2012, 14:05 Член��ите на НАТО ги поздравија реформите во сите области во Македонија
Претставниците на земјите-членки на НАТО високо ја оценија Годишната национална програма на Република Македонија за членство во Алијансата, која како што истакнаа го рефлектира напредокот и искуството на земјата во овој процес.
Замениците-шефови на мисиите го поздравија и несмаленото темпо во реформските процеси, подвлекувајќи дека очекуваат Македонија час поскоро да го заземе заслуженото место во НАТО по надминувањето на последната препрека на земјата, а тоа е решавање на разликите за името со Грција.
Ова е заклучокот од денешниот редовен состанок на Република Македонија со Комитетот за политика и партнерство на Алијансата кој се одржа во седиштето на НАТО во Брисел, а на кој пред претставниците на земјите-членки на НАТО беше презентирана Годишната национална програма на земјата за членство во Алијансата за 2012-2013 година. Сето ова беше во рамки на 14. циклус на Акцискиот план за членство.
Македонската делегација беше предводена од државните секретари во министерствата за надворешни работи и за одбрана Владо Мисајловски и Петар Есмеров. Тие пред претставниците на земјите-членки на Алијансата говореа за тековните и идни активности поврзани со имплементацијата на стратешките реформски процеси во земјата на политичко-економски и воено-безбедносен план.
Мисајловски посебно го акцентираше напредокот во имплементацијата на реформите во администрацијата, правосудството и полицијата, борбата против корупцијата и организиранио криминал, дијалогот со медиумите, како и останатите сегменти нотирани во Извештајот за напредокот на Република Македонија за членство во НАТО.
- Освен реформите во делот на одбраната, ние ги презентиравме и сите приоритети и реформи на Владата на Република Македонија изминатиот период во делот на судството, слободата на медиумите и правото на говор. Говоревме за справувањето со митото и корупцијата итн. Сите претставнции на земјите-членки го пофалија тоа што ние го презентиравме, оти Националната програма е сеопфатна оваа година и содржи многу елементи од голем број институции како што е Министерството за информатика и администрација и реформите во рамки на администрацијата, изјави државниот секретар на МНР.
Според него, имало пофалби од сите змеји-членки дека успешно се спроведува целата програма и за лани и за годинава, при што било предочено дека се благодарни што Македонија продолжува со мисиите во Авганистан и во другите мирвни мисии на Алијансата, што е значајно за нив поради тоа што земјата се уште не е полноправна членка, а е најголем контрибутор во овие мисии.
Државниот секретар во МО, Есмеров, пак, говореше за напредокот во одбранбените реформи, придонесот на Република Македонија во НАТО операциите во 2012 година и планираните активности за 2013 година.
- Република Македонија го заврши 13. циклус и ова значи отпочнување на новиот 14. за Годишната национална програма за членство. Во разговорите со претставниците на земјите-членки се покажа интерес за тековните реформи кои се спроведуваат во МО и во Армиајта на Република Македонија, со фокус на нашето учество во меѓународните хуманитарни и мировни мисии. Имаме голема пдодршка во НАТО-членките и признание од нивна страна во врска со нашето учество во овие мисии, истакна Есмеров.
|
