06.02.2013, 16:56 Добри вести за Реал, Касилјас го тргна гипсот
По двонеделното дружење со гипсот, голманот на Реал Мадрид Икер Касилјас конечно се ослободи од товарот. Шпанскиот репрезентативец на својот профил на „Твитер“ сподели фотографија на која може да се види дека повеќе нема гипс на раката.
„Прв чекор во закрепнувањето. Го тргнав гипсот и се радувам поради ова. Би сакал наскоро да бидам со моите пријатели“, вели Касилјас.
За потетувањето, голманот на кралскиот клуб со повредата на раката се здоби на 23 јануари, а два дена подоцна мораше да оди на операција. Враќањето на голот на тимот од Мадрид од клубот го очекуваат кон крајот на април. |
