Детроит ја прекина низата на Сан Антонио



Екипата со најдобар скор во НБА лигата беше непријатно изненадена на гостувањето кај Пистонси (119:109)

Сан Антонио, екипата со најдобар скор во НБА лигата, доживеа непријатно изненадување на гостувањето кај Детроит (119:109) и го претрпе 12. пораз оваа сезона. Ова беше крај на победничката серија за „мамузите“ во која постигнаа 11 триумфи, а последниот пораз го имаа на 11 јануари од Мемфис.

Најдобар играч на натпреварот беше Грег Монро, кој имаше 26 поени и 16 скокови, а одлична помош имаше од Бредли Најт и Чарли Вилануева, кои реализираа по 24, односно 21 поен.

Од другите натпревари за одбележување е и високата победа на шампионот Мајами над Лос Анџелес Клиперс, додека Орландо го претрпе и 12-от пораз по ред.

На ноќеска одиграните натпревари беа постигнати следниве резултати: Вашингтон - Бруклин 89:74, Шарлот - Лос Анџелес Лејкерс 93:100, Индијана - Торонто 98:100 (продолжение), Атланта - Њу Орлеанс 100:111, Детроит - Сан Антонио 119:109, Кливленд - Орландо 119:108, Мајами - Лос Анџелес Клиперс 111:89, Мемфис - Голден Стејт 99:93, Хјустон - Портланд 118:103, Оклахома Сити - Феникс 127:96, Минесота - Њујорк 94:100 и Јута - Чикаго 89:93.

Вечерва играат: Кливленд - Денвер, Филаделфија - Шарлот, Милвоки - Детроит, Далас - Голден Стејт и Сакраменто - Јута.

Пласман Источна конференција: Мајами 33-14 (победи-порази), Њујорк 32-16, Индијана 31-20, Чикаго 30-20, Бруклин 29-21,...

Пласман Западна конференција: Сан Антонио 39-12, Оклахома Сити 38-12, Л.А.Клиперс 35-17, Денвер 32-18, Мемфис 31-18,...