Спарси уриваат се' пред себе



Тони Паркер со 31 поен го надополни отсуството на Данкан и Џинобили против Минесота (104:94)

Епитетот најсилен тим на светот засега му припаѓа на Сан Антонио, кој без повредениот ветеран Тим Данкан и Ману Џинобили ја запишаа 11 победа во низа и ја потврдија лидерската позиција во НБА лигата. Избраниците на Грег Поповиќ на домашен терен ја совладаа Минесота со 104:94, а секако главниот збор го имаше Тони Паркер, овојпат заедно со Дени Грин. Францускиот плејмејкер беше најефикасен актер на мечот, постигна 31 поен, а додека Грин се покажа во најдобро светло до сега реализираше 28 поени заедно со одличниот шут за три поени (8/12).

Во редовите на поразениот состав стандардна игра прикажа Никола Пековиќ со 21 поен и десе�� скока, а додека по 15 поени постигнаа Вилијамс и Бареа.

Иако го немаа Ражон Рондо сепак Бостон Селтикс и без Ол-стар играчот ја запишаа шестата победа во серија. Нова жртва на Кевин Гарнет и неговите соиграчи беше Торонто го поразија со 99:95.

„Ние сме борци, тим кој што го дава максимумот во сите 48 минути. Секогаш не играме вака добро, не сме совршени. Само сме луѓе и играме тврдо“, рече Гарнет кој застана на 27 поени и десет скока.

Фаворитите Мајами и Оклахома остварија лесни победи. Еден ден по 23 тројки тимот на Хјустон беше сопрен од бранителот на шампионскиот прстен, кој славеше со убедливи 114:108. Тандемот Леброн Џејмс - Двејн Вејд заедно постигнаа 63 поени.

Тандерси пак немаа проблем со Голден Стејт славеа со 119:80, а Кевин Дурент со 25 поени, седум скока и четири асистенции беше прва ѕвезда во тимот. Расел Вестбрук имаше 22, а Кевин Мартин 21.

ЛЕЈКЕРСИ ШЕСТ НЕДЕЛИ БЕЗ ГАСОЛ

Лејкерси дефинитивно немаат среќа, само што влегоа во победнички ритам веднаш ги надвасаа темни облаци. Во наредните шест недели Коби Брајант и неговите соиграчи ќе останат помошта на Пол Гасол. Повредата со која што Шпанецот се здоби на дуелот со Бруклин е посериозна од очекуваното. Магнетната резонанца покажа дека Гасол го скинал мускулот на десното стопало.

По лошите вести стратегот Мајк Дантони остана без двајцата најдобри играчи под обрачите, покрај Гасол на листата на повредени веќе од пред извесно време е Двајт Хауард.

Резултати: Кливленд - Шарлот 122:95, Торонто - Бостон 95:99, Филаделфија - Индијана 69:88, Вашингтон - Њујорк 106:96, Орландо - Лос Анџелес Клиперс 76:86, Атланта - Мемфис 103:92, Мајами - Хјустон 114:108, Детроит - Бруклин 90:83, Оклахома - Голден стејт 119:98, Њу Орлеанс - Феникс 93:84, Далас - Портланд 105:99, Минесота - Сан Антонио 94:104, Јута - Милвоки 100:86.