Сообраќајот во Дебар Маало од денеска еднонасочен

Од денеска почнува да функционира еднонасочниот режим на сообраќај во Дебар Маало. Општина Центар апелира да се почитува поставената хоризонтална и вертикална сообраќајна сигнализација со цел подобар проток на сообраќајот.

Улицата „Ленинова“ е еднонасочна во делот од крстосницата со улицата „Наум Наумовски - Борче“ до улицата „Орце Николов“. Возилата ќе се движат само во насока од „Наум Наумовски - Борче“ кон „Орце Николов“.

Улицата „Наум Наумовски - Борче“ е еднонасочна во делот од вкрстувањето со „Илинденска“ до „Ленинова“, во насока од „Илинденска“ кон „Ленинова“.

Улицата „Пиринска“, од „Ленинова“ до кружниот тек е еднонасочна, а возилата треба да се движат од „Ленинова“ кон кружниот тек.

На „Антоние Грубишиќ“ е дозволено движење во насока од кружниот тек кон улицата „Ленинова“ и од кружниот тек до улицата „Отон Жупанчич“.

„Коле Неделковски“ е еднонасочна, од кружниот тек до „Орце Николов“.

По улицата „309“ возилата може да се движат во насоката од „Наум Наумовски - Борче“ до „Ѓуро Ѓаковиќ“ која, пак, е еднонасочна во делот од крстосницата со „Орце Николов“ кон улицата „Михаил Цоков“.

По улицата „Отон Жупанчич“ возилата се движат од улицата „Антоние Грубишиќ“ кон улица „Раде Кончар“, а по „Раде Кончар“ е дозволено возење од „Радњанска“ кон „Орце Николов“.

Улицата „Радњанска“ има една насока, од „29 Ноември“ до „Дане Крапчев“, и друга, од „29 Ноември“ до „Раде Кончар“.

„29 Ноември“ ќе биде еднонасочна во делот од „Орце Николов“ до „Радњанска“.

По „Дебарца“ возилата се движат од „Дане Крапчев“ до „Раде Кончар“, по улица „488“ од „Дане Крапчев“ до „Дебарца“. Улицата „487“ е еднонасочна од „Благоја Давков“ до улица „488“.

Улица „Дане Крапчев“ има една насока, од „Радњанска“ до „Орце Николов“ и друга, од „Радњанска“ до „Благоја Давков“.

„Благоја Давков“ ќе биде еднонасочна од „Дане Крапчев“ до „29 Ноември“.

По „Ѓорѓи Пулевски“ ќе се движат возилата од „Орце Николов“ кон „Благоја Давков“ и улицата „,Мајаковски“ ќе биде за насока од „29 Ноември“ до „Дане Крапчев“.