Маринова последна во квалификациите на 800 метри слободно

Во групата со четири натпреварувачки Маринова го освои последното место, а и во вкупниот пласман е на последното 35. место

Македонската пливачка Симона Маринова денеска на Олимписките игри во Лондон настапи во првата од петте квалификациски групи на трката на 800 метри слободно. Таа во групата со четири натпреварувачки го освои последното место, а и во вкупниот пласман е Маринова е на последното 35. место.

Постигнатото време на македонската пливачка е 9.28,41 или за 39,2 секунди послабо од победничката во групата Аревалo од Еквадор.

Македонската пливачка за оваа трка беше пријавена со време 9:08.67 остварено во олимпискиот циклус пред почетокот на Игрите, а нејзин најдобар резултат е 8:52.33 минути.

Македонскиот рекорд на оваа патека е во сопственост на Мирјана Бошевска 8:46.33 минути.