Младенов: Да ги оставиме политичките толкувања на историјата во минатото

Да ги оставиме политичките интерпетации на историјата во минатото, а нашите општeства и држави искрено да се придржуваат кон евроатлантските вредности на слобода, човекови права, демократија и владеење на законот владеење на правото. Цврсто сум убеден дека само така можеме да ја постигнеме посакуваната економска благосостојба која сите ние ја посакуваме.

Ова го истакнува министерот за надворешни работи на Република Бугарија Николај Младенов во честитката по повод празникот Илинден до неговиот македонски колега Никола Попоски.

Шефот на бугарската дипломатија во честитката уште еднаш ја повторува бугарската поддршка на Македонија за полноправно членство во НАТО и ЕУ.

- Македонија покажа желба активно да работи на исполнување на критериумите за членство во ЕУ. За да бидат резултатите одржливи, вложените напори треба да бидат систематски и постојани. Република Бугарија е подготвена како и досега за поддршка на Република Македонија на патот кон членството во ЕУ и во НАТО преку споделување на своето богато искуство, истакнува министерот Николај Младенов.