Пожарот на Cкопска Црна Гора ставен под контрола

Пожарот на Cкопска Црна Гора е ставен под контрола, соопшти Дирекцијата за заштита и спасување (ДЗС).

Пожар утрово се појавил на југоисточните падини на Cкопска Црна Гора во атарот на село Виниче, а гореше ниско стеблеста деградирана шума.

Во гаснењето се ангажирани авионите на ДЗС.

Дирекцијата утрово информира дека сите пожари на територијата на Република Македонија се изгаснати. До вчера попладне не беа регистрирани нови.