27.09.2009, 19:51 Што прават денеска
 Николина Василевска
актерка во театар „Македонија“
Денеска интензивно почнуваме со пробите за претставата „Грне“од Плаут, што ја подготвуваме ние, студентите од ИКС-Филозофски факултет, а ќе ја играме во Задар во текот на месецов. Паралелно го завршувам пишувањето на мојот драмски текст, а не ги избегнувам ниту домашните обврски, како, на пример, подготвување зимница со домашните.  Боби Симоновски
пејач и ТВ-водител
И оваа седмица ќе биде активна. Станувам во 9 часот и откако ќе се подготвам накусо го посетувам моето ИТ-компјутерско катче, за да видам што се случува на Интернет. Состанокот во канцеларијата на „Денот на дрвото” морам да го завршам до 11 часот. И освен попладневниот час по соло-пеење, другото во овој ден ми е слободно време, кое го минувам најчесто со моите блиски соработници и пријатели.
 Ивона Попоска - Вуви
пејачка
Денес планирам да се запишам на часови по соло-пеење во Музичкото училиште, а потоа продолжувам со обврските во гимназијата „Климент Охридски“. Во попладневните часови планирам да го посетам стоматологот, а вечерните часови ми се целосно посветени на виртуелната дружба со моите „Фејсбук“ пријатели. | 
