Ештон бара воздржаност од Турција и Сирија

Високиот претставник на Европската унија за надворешни работи и безбедност Кетрин Ештон го осуди вчерашниот минофрлачки напад од Сирија врз турскиот град Акчакале.

- Остро го осудувам вчерашниот напад на сириските сили врз турскиот пограничен град. Веднаш ги повикувам сириските власти под итно да стават крај на насилството и во целост да ги почитуваат територијалниот интегритет и суверенитет на сите соседни држави, посочи Ештон.

Таа ги повика Анкара и Дамаск на воздржаност.

- Апелирам за воздржаност на сите страни и ќе продолжам внимателно да ја следам ситуацијата, нагласи Ештон.

Во синоќешниот напад беа убиени петмина цивили. Како одговор на тоа турската, распоредена во Акчакале презеде артилериски напади врз сириски позиции во реонот на сирискиот град Тал ал Абјад, на околу 10 километри од границата со Турција.

Во нападот на турската аримија загинаа најмалку петмина сириски војници загинаа, а повеќе од 15 се повредени.