03.10.2012, 15:53 Мартин Треневски го продаде радиото
„Канал 77“ и „Класик ФМ“ се спасија од укинување, откако доставиле до СРД имиња на нови сопственици
Радиото „Канал 77“, кое значи на територијата на целата држава, како и радиотот „Гаудеамус Класик ФМ“ најверојатно ќе ги задржат дозволите за работа, откако ја сменија сопственичката структура, согласно Законот за радиодифузија, кој не дозволува близок роднина на јавен функцонер да поседува медиум.
Од „Канал 77“ во вторникот доставиле ново известување до Советот за радиодифузија (СРД), според кое нов сопственик на радиото е Сашо Јованов од Штип. Ова известување, според мислењето на пр��вниците во СРД, не дава соодветен одговор за евентуална медиумска концентрација, а изјавата на новиот сопственик не била нотарски заверена. Членовите на СРД се сложија со предлогот на претседателот Зоран Трајчевски да го информираат новиот сопственик за недоследностите, откако, претходно, ќе се утврди дека нема кофликт на интереси согласно членот 11 од Законот за радиодифузија. Во исто време СРД најави запирање на постапката за одземање на работната дозвола.
Ова е трета промена на сопственоста на „Канал 77“ за кратко време, иницирана поради тоа што сестрата на првиот сопственик, Горан Гаврилов, Билјана Казанџиска е пратеничка во парламентот.
И радиото „ Гаудеамус Класик ФМ“, кое досега беше во сопственост на амбасадорот Мартин Треневски ќе продолжи со емитување програма. Во последен момент, и овој електронски медиум успеа да ја промени сопственоста и да го избегне проблемот со конфликт на интереси. Во иднина како сопственичка на „Класик ФМ“, наместо Треневски, ќе биде запишана Татјана Алексиќ од Тетово. (Љ.С.)
|
